Saklap
Magkasama tayong tumawa at humalakhak
Malalayong daan ay sabay na tinatahak
Habang binubuo ang pangarap at balak
Masaya ang buhay kahit ito’y payak
Heto ako’t minamasdan ang iyong mga larawan
Aking ginugunita ang ating nakaraan
Ang lahat ng saya, at lungkot na napagdaan
Biglang nalang gumambala ang mga katanungan
Bakit bigla ka nalang nawala’t naglaho?
Iniwan mo akong may bigat sa puso
Bakit mo ako biglaang nilisan?
Na tila ang mundo ay aking pasan pasan
Akala ko ba’y magkasama parin tayo sa hinaharap
At ating tutuparin
ang mga pangarap
sakim yaring langit nakuha ka nya sa king ipagkait
pinipilit ko naman magbago’t magpakabait
Lumisan ka man sa mundong ito
Mananatili pa rin sakin ang ala-ala mo
Ang bigkis mo sa akin ay di mapapatid
Ang mga kasiyahang tayong lang ang nakakabatid
Marahil kinuha ka para di ka mahirapan
Sa mundo na ito na puno ng labanan
Kahit hanggang ngayon ang sakit ng katotohanan
Alam kong nariyan ka lang upang kami ay gabayan
Mga Komento
Mag-post ng isang Komento