Pagpapaubaya

 

Ang pagpapaubaya ay kaakibat ng pagmamahal

Ito ay pagbibigay natin ng  tao, bagay, at panahon kahit na masakit tanggapin o hindi. Ito ay kusang loob na pagbibigay para sa mahal natin o dahil mahal natin. Ang pagpapaubaya ay  hindi nangangahulugan na hindi natin ito/sya kailangan. nagpapaubaya tayo dahil alam natin sa ating mga sarili na higit na mas nangangailangan ang ibang tao kaysa sa atin. Isinasantabi natin ang ating mga sariling interes para sa kapakanan ng ibang tao Ang ganitong sitwasyon ay ebidensya na hindi tayo makasarili kundi iniisip at pinahahagahan ang pangangailangan ng ibang mga tao na nakapaligid sa atin.

Marami rami naring mga kilalang tao ang nagpaubaya ng kanilang mga sarili para sa kapakanan at kalayaan ng lipunan na ating ginagalawan. Ang ibibigay kong paghahalimbawa ay ang mga ginawa ng mga bayani marahil kung sarili lang nila ang kanilang iniisip ay hindi sila magtatagumpay na maisakatuparan ang natatamasang nating kalayaan. Mayroong ilan sa mga bayani na maayos naman ang pamumuhay at hindi nila kailangang makisangkot sa mga  nangyayari sa lipunan ngunit ipinaubaya ang kanilang sariling katayuan. Nawala ang karangyaang tinatamasa, pinagkaitan ng kalayaan at kinitil ang kanilang mga buhay para sa kapakanan at kalayaan ng nakararami