Tambay

 Nais kong Gunitain ang mga panahon ng aking kabataan

Panahong inosente at kaunti pa ang alam

Ang maraming pagtatanong 

Sapagkat Maraming nais malaman

 

Ang masaya kong alaala at  sandali

Doon lang sa mga kanto sa mga simpleng kwentuhan

Asaran , kulitan  pikunan at walang tagayan

Sa mga tambayang di nauubusan ng kalokohan

 

Napakabait kong bata noon pa man

Palagi akong lumiliban sa klase

Kapag may dalaw ng katamaran

Ang tambayan ko din noon ay ilog at mga gubat

Sawayin man ng guro at magulang ay di nagpapaawat

 

Naaalala ko pa Ang masayang kwentuhan sa maisan

Ang pagsuot sa sapot ng kamotehan

Sa may likod na bahagi ng aming paaralan

Kasama ko mga kaklase ko at ilang kaibigan

 

Isasama ko na rin dito lahat ng pangit kong karanasan

ang mga pasa, suntok at galos na aking nalampasan

dahil akoy lumaban o hindi lumaban

dahil sa panahong ito yaon ay tinatawanan ko nalang

 

Marami akong dapat ipagpasalamat

Sa masasayang araw na aking napagdaanan

Ang pagpapasalamat ng mga taong aking tinulungan

Ang pagmamahal na alay ng mga taong malapit sa akin

at pagpapala ng Maykapal sa panahong di ko inaasahan